ریاض: سعودی حکومت نے روضہ رسول ﷺ کو یکم ربیع الاول سے زائرین کے لیے کھولنے کا اعلان کر دیا ہے۔ انتظامیہ حرمین شریفین کی جانب سے جاری بیان کے مطابق 2 ہفتوں بعد یکم ربیع الاول کو زائرین مسجد نبوی ﷺ میں نماز ادا کرنے کے ساتھ روضہ رسول ﷺ پر درود سلام بھی پیش کر سکیں گے۔
انتظامیہ کے مطابق مسجد نبوی ﷺ میں نماز کی ادائیگی اور روضہ اطہر ﷺ کی زیارت کے لیے ’اعتمرنا‘ ایپ کے ذریعے اجازت لینا ہو گی۔
حکام کا کہنا ہے کہ زائرین حفاظتی تدابیر سمیت سماجی فاصلے اور ہدایات پر عمل کے پابندہوں گے اور روضہ اطہرﷺ میں گنجائش کے مطابق 75 فیصدلوگوں کو داخلےکی اجازت ہو گی۔
The first stage of entering the Noble Rawdah and offering Salam to the Prophet of Allah ﷺ will start in two weeks 01/03/1442 via the Etamarna application at 75% of the maximum capacity with maintaining the precautionary measures.
— ???????????????????????????????? (@HaramainInfo) October 3, 2020
خیال رہے کہ جانب سعودی عرب میں کورونا وائرس کے باعث 7 ہفتوں بعد کل سے عمرہ کی ادائیگی کا بھی آغاز ہو رہا ہے۔حرم شریف میں داخلے اور عمرہ کی ادائیگی کے لیے بھی ’اعتمرنا‘ ایپ کے ذریعے اجازت لینا ہو گی۔
حکام نے بتایا کہ پہلے مرحلے میں صرف عمرہ کا اجازت نامہ جاری کیا جا رہا ہے اور 4 اکتوبر کو پہلے مرحلے میں سعودی عرب کے شہری اور وہاں مقیم غیر ملکیوں میں سے 6 ہزار افراد عمرہ ادا کریں گے جب کہ یکم نومبر سے محکمہ صحت کی منظوری سے مخصوص ممالک کے شہری بھی عمرہ ادا کر سکیں گے۔
واضح رہے کہ عالمی وبا کورونا وائرس کی وجہ سے مارچ میں مسجد نبوی ﷺ کو عام نمازیوں کے لیے بند کر دیا گیا تھا تاہم 2 ماہ بعد مئی میں محدود تعداد میں سخت پابندیوں کے بعد عام شہریوں کو داخلے کی اجازت دی گئی تھی تاہم روضہ اطہر ﷺ کی زیارت پر پابندی برقرار تھی جو کہ اب 2 ہفتوں بعد ہٹنے جا رہی ہے۔
