کیلیفورنیا :انسٹا گرام نے اپنے ڈائریکٹ میسجز (ڈی ایمز) کو اپ ڈیٹ کرنے کا فیصلہ کیا ہے، جس کے تحت صارفین کو میسج ریکوئسٹس کو فلٹر کرنے کے نئے ٹولز فراہم کیے جائیں گے۔
یہ نئے ٹولز صارفین کو مدد فراہم کریں گے تاکہ وہ ایسے میسجز جو اہم نہیں ہیں، انہیں اپنی مین ان باکس سے دور رکھ سکیں۔ یہ فیچرز ویریفائیڈ اکاؤنٹس، برانڈز، اور دیگر عناصر کو مدنظر رکھتے ہوئے میسج ریکوئسٹس کو ترتیب دیں گے۔
اس کے ساتھ ہی انسٹا گرام "اسٹوری ریپلائیز" کے نام سے ایک نیا فولڈر بھی متعارف کرائے گا، جس سے صارفین کو اسٹوری ریپلائیز تک آسان رسائی حاصل ہوگی۔
یہ تبدیلیاں دنیا بھر کے صارفین کی آرا کے مطابق کی گئی ہیں، جنہوں نے شکایت کی تھی کہ ڈی ایمز کا انتظام کرنا مشکل ہو رہا ہے۔ انسٹا گرام کے سربراہ ایڈم موسیری نے وضاحت کی کہ ریکوئسٹ ان باکس میں موجود متعدد میسجز کی وجہ سے یہ نئی سہولیات فراہم کی جا رہی ہیں، اور فلٹرنگ کے آپشنز ان باکس کے اوپر دستیاب ہوں گے۔
