اسلام آباد: صدر مملکت ڈاکٹر عارف علوی نے کہا ہے کہ جدید آئی ٹی سلوشنز کی مدد سے پاکستان میں گورننس کو فروغ دینے کی ضرورت ہے۔ سرکاری اداروں کی استعداد کار کو بڑھانے کے لئے ایک مربوط ڈیٹا بیس قائم ہونا چاہیے۔
صدر مملکت ڈاکٹر عارف علوی نے اداروں کی استعداد کار کو بڑھانے کے لئے ایک مربوط ڈیٹا بیس کے قیام کی ضرورت پر زور دیتے ہوئے کہا ہے کہ ای-گورننس سے شہریوں اور کاروبار میں سہولت ہوگی اور باضابطہ معیشت کو فروغ حاصل ہو گا۔
وہ ای گورننس میں ایمرجنگ ٹیکنالوجیز کی ذیلی کمیٹی کے اجلاس کی صدارت کر رہے تھے۔ اجلاس میں وزیر اعظم کے مشیر ڈاکٹر عشرت حسین ، سیکرٹری انفارمیشن ٹیکنالوجی اور ٹیلی مواصلات شعیب صدیقی ، اور وزارت آئی ٹی اور ٹیلی مواصلات کے اعلیٰ عہدیداران کی شرکت کی۔
ایوان صدر کے میڈیا ونگ کے مطابق اجلاس سے خطاب کرتے ہوئے صدر مملکت نے کہا کہ سرکاری اداروں کی استعداد کار کو بڑھانے کے لئے ایک مربوط ڈیٹا بیس کے قیام کی اشد ضرورت ہے۔ انہوں نے کہا کہ ای گورننس پلیٹ فارم سے سرکاری تنظیموں کو بہترین عوامی خدمات کی فراہمی کا موقع ملے گا۔
صدر عارف علوی نے کہا کہ ای-گورننس سے شہریوں اور کاروبار میں سہولت ہوگی اور باضابطہ معیشت کو فروغ حاصل ہو گا۔ ای -گورننس سے آئی ٹی انڈسٹری کو فروغ حاصل ہو گا اور شفاف ، جوابدہ اور موثر حکومت ممکن ہو سکے گی، صدر مملکت نے مزید کہا کہ جدید آئی ٹی سلوشنزکی مدد سے پاکستان میں گورننس کو فروغ دینے کی ضرورت ہے۔
