مکہ مکرمہ : مسجد الحرام اور مسجد نبوی ﷺ میں اعتکاف کے لیے رجسٹریشن کا عمل 5 مارچ 2025 سے شروع ہوگا۔
دی اسلامک انفارمیشن کی جانب سے جاری کی گئی تفصیلات کے مطابق، دونوں مقدس مساجد کے امور کی دیکھ بھال کرنے والی جنرل اتھارٹی نے بتایا ہے کہ ماہ رمضان 2025 میں اعتکاف کرنے کے خواہشمند افراد 5 مارچ کو دن 11 بجے سے اتھارٹی کے پورٹل پر اپنے کوائف رجسٹر کروا سکتے ہیں۔
جنرل اتھارٹی نے مزید کہا کہ اعتکاف کے لیے رجسٹریشن کا عمل مقررہ تعداد پوری ہونے تک جاری رہے گا۔ ہر معتکف کو حرمین شریفین میں خصوصی کارڈ اور لاکر فراہم کیا جائے گا تاکہ ان کی سہولت کو مدنظر رکھا جا سکے۔
