دبئی : آئی سی سی چیمپئنز ٹرافی کے سیمی فائنل سے قبل آسٹریلیا کی کرکٹ ٹیم کو ایک اور بڑا دھچکا لگا ہے، جب جارح مزاج بیٹر میتھیو شارٹ پیر کی انجری کی وجہ سے ٹورنامنٹ سے باہر ہوگئے۔
میتھیو شارٹ کی جگہ آسٹریلوی اسکواڈ میں کوپر کونولی کو شامل کیا گیا ہے، جو اب تک 3 ایک روزہ میچز کھیل چکے ہیں۔ یہ تبدیلی آسٹریلیا کے لیے ایک اور بڑا نقصان ہے، کیونکہ اس سے قبل کیویز کپتان پیٹ کمنز، مچل اسٹارک، جوش ہیزل ووڈ اور مچل مارش بھی چیمپئنز ٹرافی سے باہر ہو چکے ہیں، جس سے ٹیم کی پوزیشن متاثر ہوئی ہے۔
آئی سی سی کی ایونٹ ٹیکنیکل کمیٹی نے آسٹریلوی اسکواڈ میں اس تبدیلی کی منظوری دے دی ہے۔ واضح رہے کہ چیمپئنز ٹرافی کا پہلا سیمی فائنل کل آسٹریلیا اور بھارت کے درمیان کھیلا جائے گا، جو دونوں ٹیموں کے لیے ایک اہم معرکہ ہوگا۔