بخارسٹ: رومانیہ میں ہیلی کاپٹر حادثے میں 7 فوجی ہلاک ہوگئے۔
غیر ملکی میڈیا کے مطابق رومانیہ میں لاپتہ لڑاکا طیارے اور اس کے پائلٹ کی تلاش میں نکلنے والا ہیلی کاپٹر گر کر تباہ ہو گیا۔رومانیہ کی وزارت دفاع کی جانب سے حادثے میں 7 فوجیوں کی ہلاکت کی تصدیق کی گئی ہے۔
میڈیا رپورٹس کے مطابق ہیلی کاپٹر میں پانچ کریو ممبران سوار تھے جن میں دو بحریہ کے تیراک تھے۔ ہیلی کاپٹر حادثے کے بعد بھی مگ 21 ائیرکرافٹ اور اس کے پائلٹ کی تلاش کا آپریشن جاری ہے۔
خیال رہے کہ لاپتہ لڑاکا طیارے کے پائلٹ نے خراب موسم سے مطلع کیا تھا جس پر اسے واپس بیس آنے کی ہدایت دی گئی لیکن پائلٹ واپس نہ آسکا تھا جس کی تلاش کیلئے آپریشن کا آغاز کیا گیا۔
