سام سنگ کے نئے سمارٹ فون میں شامل خصوصیات پر یقین کرنا مشکل

سیئول : سام سنگ گلیکسی زی کی ایک ویڈیو منظر عام پر آئی ہے جس میں دکھایا گیا ہے کہ یہ ایک بیزل لیس سمارٹ فون ہے۔ سام سنگ کمپنی اپنی زی لائن اپ کو بڑھانے کے لئے ایک نیا سام سنگ گیلیکسی زی لانچ کر رہی ہے۔پہلے لانچ کیا گیا سام سنگ زی ٹائیزن آپریٹنگ سسٹم پر چلتا تھا لیکن افواہوں میں یہ دعویٰ کیا گیا ہے کہ سام سنگ گلیکسی زی اینڈرائیڈ سسٹم پر چلے گا۔
سام سنگ کی نئی ویڈیو میں یہ بھی واضح ہے کہ گلیکسی زی کا فرنٹ پینل ایج ٹو ایج سکرین پر مشتمل ہوگا۔ اس میں فنگر پرنٹ سنسر یا فریم کی بھی جگہ نہیں ہوگی۔
ویڈیو میں سام سنگ گلیکسی زی کی کچھ ایسی خصوصیات کو دکھایا گیا ہے جس پر یقین کرنا آسان نہیں۔ ویڈیو کے مطابق گلیکسی زی میں 845 سنیپ ڈرگن پروسیسر کے ساتھ ساتھ 6 جی بی ریم کی کی خاصیت بھی موجود ہوگی۔اس کی انٹرنل سٹوریج 128 جی بی ہوگی۔اس کے علا وہ ویڈیو میں یہ بھی دکھا یا گیا ہے کہ فون میں فاسٹ چارجنگ سسٹم اور 3700 میگا ہرٹز بیٹری موجود ہو گی۔
جیسا کہ ہم پہلے بھی کہہ چکے ہیں کہ ویڈیو میں فون کے دکھائے گئے ڈیزائن اور خصوصیات پر یقین کرنا آسان نہیں ہے،تاحال اس فون کے بارے میں سام سنگ کمپنی نے کوئی تصدیق نہیں کی ہے۔