اسلام آباد: سابق وزیر اعظم شاہد خاقان عباسی کی جماعت عوام پاکستان پارٹی کو الیکشن کمیشن نے انتخابی نشان "گھڑیال" الاٹ کر دیا۔
عوام پاکستان پارٹی نے انٹرا پارٹی انتخابات کے نتائج الیکشن کمیشن میں جمع کروائے، جسے الیکشن کمیشن نے تسلیم کر لیا۔
یاد رہے کہ 8 فروری 2024 کے عام انتخابات کے بعد 6 نئی جماعتیں الیکشن کمیشن میں رجسٹرڈ ہوئیں، جبکہ 2025 میں پہلی رجسٹرڈ جماعت عوام پاکستان پارٹی بنی۔ اس کے بعد پاکستان میں رجسٹرڈ سیاسی جماعتوں کی تعداد 168 ہو گئی۔
عوام پاکستان پارٹی کے کنوینر شاہد خاقان عباسی اور سیکریٹری جنرل مفتاح اسماعیل ہیں۔
