اسلام آباد : اسلام آباد ہائیکورٹ میں تین نئے ججز نے اپنی ذمہ داریاں سنبھال لی ہیں۔ ذرائع کے مطابق، نئے تعینات ججز کی عدالتوں میں لاء افسران پیش ہوئے اور ڈپٹی اٹارنی جنرل اور ایڈیشنل اٹارنی جنرل نے جسٹس سرفراز ڈوگر کا خیرمقدم کیا۔
جسٹس سرفراز ڈوگر نے تین کیسز کی سماعت کی، تاہم لاء افسران اور سرکاری وکلا کے علاوہ کوئی وکیل عدالت میں پیش نہ ہوا۔ جسٹس سرفراز ڈوگر لاہور ہائیکورٹ سے اسلام آباد ہائیکورٹ منتقل ہوئے ہیں اور سینئر پیونی جج کے طور پر مخصوص بنچ نمبر ٹو میں شامل ہیں۔ اس سے قبل بنچ ٹو کی سربراہی کرنے والے جسٹس محسن اختر کیانی کو اب بنچ نمبر تھری کی سربراہی سونپی گئی ہے۔
صوبوں سے اسلام آباد ہائیکورٹ منتقل ہونے والے ججز کے خلاف وکلاء نے جزوی ہڑتال کی ہے۔ اسلام آباد ہائیکورٹ بار ایسوسی ایشن نے عدالتوں کا بائیکاٹ کیا ہے، اور لاہور ہائیکورٹ بار کے صدر نے بھی عدالتوں میں پیش نہ ہونے کا اعلان کیا ہے۔
