لاہور : چیمپئنز ٹرافی 2025 کے فزیکل ٹکٹس کی فروخت آج، 3 فروری کو خلیجی معیاری وقت کے مطابق سہ پہر 3 بجے اور پاکستانی معیاری وقت کے مطابق سہ پہر 4 بجے سے شروع ہو گی۔
یہ ٹکٹس پاکستان کے 26 شہروں میں کوریئر کمپنی کے مراکز پر دستیاب ہوں گے۔ ٹکٹس کی قیمتیں مختلف کیٹیگریز میں دستیاب ہوں گی جن میں جنرل اسٹینڈ ٹکٹ 1,000 پاکستانی روپے سے شروع ہوگی جبکہ پریمیم سیٹنگ ٹکٹ 1,500 پاکستانی روپے سے شروع ہوگی ۔
افتتاحی میچ 19 فروری کو کراچی میں کھیلا جائے گا، جس میں میزبان پاکستان کا مقابلہ نیوزی لینڈ سے ہوگا۔