لاہور : پاکستانی شوبز انڈسٹری کی معروف اداکارہ ہانیہ عامر کی خوبصورتی کے راز سے پردہ اُٹھ گیا ہے۔ حال ہی میں ایک معروف ڈرماٹالوجسٹ ڈاکٹر اریج خالد نے ایک نجی ٹی وی مارننگ شو میں شرکت کے دوران اداکارہ ہانیہ عامر کے چہرے پر کی جانے والی پلاسٹک سرجریز کا ذکر کیا۔
ڈاکٹر اریج خالد نے انکشاف کیا کہ ہانیہ عامر کے مشہور گالوں پر پڑنے والے ڈمپل پلاسٹک سرجری کی وجہ سے ہیں۔ انہوں نے مزید بتایا کہ ہانیہ نے اپنے ناک، ہونٹوں، اور ٹھوڑی کی سرجری بھی کرائی ہے۔ اس کے علاوہ، ڈاکٹر اریج خالد نے کہا کہ ہانیہ کے گالوں کو لفٹ کرنے کے علاوہ ان کی آئی برو میں بھی تبدیلی کی گئی ہے۔