اسلام آباد: صدر مملکت آصف علی زرداری کل چین کے چار روزہ سرکاری دورے پر روانہ ہوں گے۔دورے کی تیاری کے سلسلے میں ایڈوانس ٹیمیں چین روانہ ہو گئی ہیں، اور صدر آصف علی زرداری کی چینی قیادت کے ساتھ اہم ملاقاتیں بھی شیڈول کی گئی ہیں۔
صدر آصف علی زرداری 4 سے 8 فروری تک چین کا سرکاری دورہ کریں گے، جس کے دوران ان کے ہمراہ اعلیٰ سطح کا وفد بھی ہوگا۔ اس وفد میں بلاول بھٹو زرداری، خاتون اول آصفہ بھٹو زرداری، وزیر اعلیٰ سندھ مراد علی شاہ، وزیر اعلیٰ بلوچستان سرفراز بگٹی، اور وزیر داخلہ محسن نقوی شامل ہیں۔
ذرائع کے مطابق، صدر آصف علی زرداری چینی صدر شی چنگ پنگ سے ملاقات کریں گے اور 5 نومبر کو شنگھائی عالمی نمائش میں بھی شریک ہوں گے۔ چینی قیادت کے ساتھ ملاقاتوں میں سی پیک فیز 2، پاک چین تعلقات، علاقائی و عالمی سلامتی اور دیگر اہم باہمی امور پر مشاورت کی جائے گی۔
