ڈیرہ غازی خان کے ایک شخص کا دعوی ٰہے کہ پنچایت نے اسکی چھ بیٹیوں کو ونی کرنے کااعلان کیا ہے جس پر اہل خانہ اورسماجی کارکنوں نے احتجاج کیا اور انصاف دلانے کی اپیل کی ہے۔تحصیل تونسہ کے قبائلی علاقے تمن بزدار کے رہائشی گل شیر نے دعوی کیا ہے کہ بااثر افراد کے کہنے پر پہلے اسے بندوق چوری کے جھوٹے مقدمہ میں پھنسایا گیا ا س کے بعدملزمان کے دبائو پر پنچائیت نے پچاس لاکھ روپے دینے یا اسکی چھ بیٹیوں کو ونی کرنے کی سزاسنائی ۔
واقعے کیخلاف گل شیر کے علاوہ بعض سماجی اور سیاسی کارکنان نے احتجاج کیا۔دوسری جانب پولیٹیکل انتظامیہ اوربارڈر ملٹری پولیس کاکہناہے کہ تمن بزدار میں کسی قسم کا کوئی پنچایتی فیصلہ نہیں ہوا ۔پولیس کا کہناہے کہ معاملہ کچھ اور معلوم ہوتاہے جس کی تحقیقات کی جارہی ہیں۔
