کراچی: صرافہ مارکیٹ میں منگل کو سونے کی قیمت میں نمایاں اضافہ دیکھنے میں آیا۔
24 قیراط کے فی تولہ سونے کی قیمت 700 روپے بڑھ کر 2,75,200 روپے کی بلند ترین سطح پر پہنچ گئی، جبکہ دس گرام سونے کی قیمت 600 روپے اضافے کے ساتھ 2,35,940 روپے ہو گئی۔
دوسری جانب، چاندی کی قیمت میں کوئی تبدیلی نہیں ہوئی۔ فی تولہ چاندی 3,400 روپے اور دس گرام چاندی 2,914.95 روپے پر مستحکم رہی۔
عالمی مارکیٹ میں بھی سونے کی قیمت میں اضافہ دیکھا گیا، جہاں فی اونس سونے کی قیمت 7 ڈالر بڑھ کر 2,640 ڈالر تک پہنچ گئی۔
ماہرین کے مطابق سونے کی قیمتوں میں اضافے کی بڑی وجہ عالمی مارکیٹ میں طلب اور ڈالر کی قدر میں کمی ہے۔