کراچی کا موسم آج سے تبدیل ہونے کا امکان

کراچی : محکمہ موسمیات نے آج سے کراچی کے موسم میں تبدیلی کی پیشگوئی کی ہے۔ محکمہ کا کہنا ہے کہ کراچی میں آج سے تیز ہوائیں چلنے کی توقع ہے، جس کے نتیجے میں سردی میں اضافے کا امکان ہے۔

محکمہ موسمیات کے مطابق، بالائی خیبرپختونخوا، کشمیر اور گلگت بلتستان میں کہیں کہیں بارش اور پہاڑوں پر برفباری کی پیشگوئی کی گئی ہے۔ اس کے علاوہ، ملتان، لودھراں اور خوشاب میں بھی بارش ہو سکتی ہے، جبکہ ڈیرہ مراد جمالی کے گرد و نواح میں بھی بارش کی توقع ہے۔

بلوچستان کے ضلع دکی میں ژالہ باری نے 42 سال کا ریکارڈ توڑ دیا ہے، جس سے سولر پلیٹوں اور درختوں کو شدید نقصان پہنچنے کی خبریں بھی موصول ہو رہی ہیں۔