راولپنڈی: منگلا کور نے 40 ویں پاکستان آرمی رائفل ایسوسی ایشن (پی اے آر اے)کے مقابلوں میں پہلی پوزیشن حاصل کی جبکہ کراچی کور، رنر اپ رہی۔
آئی ایس پی آر کی جانب سے جاری بیان کے مطابق 40 ویں پی اے آر اے سینٹرل میٹ جہلم کے نزدیک آرمی مارکس مین شپ فائرنگ رینج میں منعقد ہوئی۔
اس موقع پر انسپکٹر جنرل ٹریننگ اینڈ ایویلوایشن لیفٹیننٹ جنرل شیر افگن مہمان خصوصی تھے۔ چار ہفتوں کی پی اے آر اے میٹ میں تینوں سروسز، سول آرمڈ فورسز، صوبائی ٹیموں، سول شوٹنگ فیڈریشنوں، ایسوسی ایشنوں اورکلبوں کی 30 ٹیموں سمیت 1500 فائررز نے حصہ لیا۔ مہمان خصوصی نے مقابلہ جیتنے والوں اور رنر اپ کے درمیان ٹرافیاں اور میڈلز تقسیم کئے۔
راولپنڈی کور کے لانس نائیک ذیشان علی کو دی ماسٹر ایٹ آرمز ٹرافی دی گئی۔ صدارتی کپ نیشنل چیلنج میچ ٹرافی آرمی کی ٹیم کے لیفٹیننٹ کرنل (ر)ادریس رشید کو دی گئی۔
پاک بحریہ نے پرائم منسٹر سکلز ایٹ آرمز بگ بور نیشنل چیلنج میچ جیت لیا۔ پاک فضائیہ نے چیف آف آرمی اسٹاف رائفل اینڈ پسٹل میچ جیتا۔ چیف آف نیول اسٹاف رائفل میچ پاکستان آرمی نے جیتا جبکہ چیف آف ایئر سٹاف پسٹل میچ پاک فضائیہ نے جیتا۔
دوسری جانب آسٹریلین رائل ملٹری کالج (آر ایم سی)دنترون نے آسٹریلیا میں منعقد ہونے والی پاسنگ آٹ میں پاکستان آرمی کے کیڈٹ محمد حارث کو مجموعی طور پر بہترین غیر ملکی کیڈٹ قرار دیا ہے۔
Cadet Muhammad Haris Mairaj, Pak Army declared overall best foreign national Military Cadet @ passing out parade held @ Royal Military College, Duntroon, Australia today. This is a testament to the highest training standards of dedicated & committed Junior leadership of Pak Army. pic.twitter.com/csqmAlwxvJ
— DG ISPR (@OfficialDGISPR) December 2, 2020
ڈائریکٹر جنرل آئی ایس پی آر میجر جنرل بابر افتخار نے اپنے ٹویٹ میں کہا کہ یہ پاک فوج کی سرشار اور پرعزم جونیئر لیڈر شپ کی اعلیٰ تربیت کے معیار کا ثبوت ہے ۔
