لاہور: معذور افراد کے عالمی دن پروزیر اعظم عمران خان کا کہنا ہے کہ ہماری حکومت معذور افراد کو تعلیم اور روزگار کے یکساں مواقع فراہم کرے گی۔ پاکستان سمیت دنیا بھر میں آج 3 دسمبر کو ’معذور افراد کا عالمی دن‘ منایا جا رہا ہے.
On International Day of Persons with Disabilities, I want to reiterate our govt's commitment to transforming the lives of those with disabilities by offering them equal opportunities in education & employment. Our Bill to empower & enable them to surmount all barriers is ready.
— Imran Khan (@ImranKhanPTI) December 3, 2018
اس موقع پر سماجی رابطے کی ویب سائٹ ٹوئٹر پر پیغام جاری کرتے ہوئے وزیر اعظم عمران خان کا کہنا ہے کہ ’ہماری حکومت معذور افراد کو تعلیم اور روزگار کے یکساں مواقع فراہم کرے گی۔‘ اس کے علاوہ انہوں نے لکھا کہ ’حکومت نے معذوروں کو خود مختار بنانے کے لیے بل بھی تیار کر لیا ہے۔‘
اقوام متحدہ میں معذور افراد کا عالمی دن منانے کا فیصلہ 3 دسمبر 1992 کو کیا گیا تھا جس کے بعد سے ہر سال یہ دن منایا جاتا ہے۔ اس دن کے منانے کا مقصد دنیا بھر میں موجود معذوروں کو درپیش مسائل کو اجاگر کرنا اور معاشرے میں ان افراد کی افادیت پر زور ڈالنا ہے۔
