تائی پے : تائیوان کے دارالحکومت تائی پے میں 25 سالہ ملکی تاریخ کا شدید ترین زلزلہ ریکارڈ کیا گیا جس کے نتیجے میں متعدد عمارتیں زمین بوس ہوگئیں جبکہ ہلاکتوں کا خدشہ ہے۔ زلزلے کے بعد جاپان اور فلپائن میں سونامی کی وارننگ جاری کردی گئی۔
فرانسیسی خبر رساں ادارے کے مطابق زلزلہ مقامی وقت کے مطابق صبح 8 بجے آیا، امریکی جیولوجیکل سینٹر کا کہنا ہے کہ تائیوان میں آج صبح 7.4 شدت کا زلزلہ تائیوان کے مشرقی ساحل کے قریب آیا، جبکہ گہرائی 18 کلو میٹر ریکارڈ کی گئی۔
تائیوان میں حکام نے ٹیکسٹ میسج کے ذریعے سونامی کی وارننگ جاری کی ہے ’ساحلی علاقوں میں لوگوں کو چوکس رہنے اور سخت احتیاط برتنے اور لہروں میں اچانک اضافے سے پیدا ہونے والے خطرات کے حوالے سے بھی خبردار کیا۔‘
BREAKINGNEWS
— Dipankar Kumar Das (@titu_dipankar) April 3, 2024
A pair of very massive #earthquake stuck #Taipei Taiwan with huge magnitude of 7.5.
- Heavy landslides occured
- 26 big buildings collapsed
- The whole city was shaking heavily
- #Tsunami sirens sounding off & warning issued near coast.
Let's pray for #Taiwan 🙏 pic.twitter.com/ShDfSeGt7m
ابتدائی طور پر زلزلے کے جھٹکے پورے تائیوان میں محسوس کیے گئے، تاہم آفٹر شاکس سے صورتحال انتہائی سنگین ہوگئی۔
ابتدائی اطلاعات کے مطابق زلزلے کے نتیجے میں کئی عمارتیں زمین بوس ہوگئیں، عمارتوں کے ملبے تلے دبنے کی وجہ سے متعدد ہلاکتیں ہونے کا خدشہ ہے۔
زلزلے کے بعد تائیوان کے دارالحکومت تائی پے کے متعدد علاقے بجلی سے محروم ہو گئے، لوگوں کو مشکلات کا سامنا ہے، زلزلے کے جھٹکوں کے باعث شہری خوفزدہ ہوکر گھروں سے باہر نکل آئے، جبکہ متعدد عمارتیں ایک جانب جھک گئیں۔
حکام کا کہنا ہے کہ یہ زلزلہ 1999 کے زلزلے کے بعد 25 سال میں سب سے زیادہ طاقتور زلزلہ ہے، زلزلےکے بعد شدید متاثرہ علاقوں میں امدادی کارروائیوں کا آغاز کر دیا گیا۔
یاد رہے کہ ستمبر 1999 میں تائیوان میں 7.6 شدت کا زلزلہ آیا تھا، جس میں جزیرے کی تاریخ کی سب سے مہلک قدرتی آفت میں لگ بھگ 2 ہزار 400 افراد ہلاک ہوئے۔
