اسلام آباد: وفاقی وزیر برائے منصوبہ بندی اسد عمر نے وزیراعظم پاکستان عمران خان کیخلاف تحریک عدم اعتماد مسترد ہونے کے بعد خصوصی پیغام جاری کر دیا ہے۔
تفصیلات کے مطابق اسد عمر نے سماجی رابطوں کی ویب سائٹ ٹوئٹر پر جاری پیغام میں لکھا ’ پاکستان کے مستقبل کے فیصلے پاکستان کے عوام کریں گے، بے ضمیر بکاؤ سیاست دان اور ان کے بیرونی آقا نہیں۔
پاکستان کے مستقبل کے فیصلے پاکستان کے عوام کریں گے، بے ضمیر بکاؤ سیاست دان اور ان کے بیرونی آقا نہیں
— Asad Umar (@Asad_Umar) April 3, 2022
ایک اور ٹویٹ میں انہوں نے ایک جملے پر مشتمل پیغام بھی دیا جو یقینی طور پر اپوزیشن کو کرارا جواب ہے جس نے وزیراعظم پاکستان عمران خان کیخلاف تحریک عدم اعتماد پیش کی تھی۔ انہوں نے لکھا ’بولا تھا لگ پتہ جائے گا۔‘
بولا تھا لگ پتہ جائے گا...
— Asad Umar (@Asad_Umar) April 3, 2022
واضح رہے کہ قومی اسمبلی کے اہم اجلاس کی صدارت کرتے ہوئے ڈپٹی سپیکر قاسم سوری نے وزیراعظم پاکستان عمران خان کے خلاف اپوزیشن کی تحریک عدم اعتماد کی قرار داد کو آئین کیخلاف قرار دیتے ہوئے مسترد کر دیا ہے۔
انہوں نے کہا کہ وزیراعظم کے خلاف کسی غیر ملکی کو حق نہیں کہ وہ تحریک عدم اعتماد لائے، میں بطور ڈپٹی سپیکر رولنگ دیتا ہوں کہ وزیراعظم کے خلاف تحریک عدم اعتماد مستردکی جاتی ہے۔ ڈپٹی سپیکر نے تحریک عدم اعتماد پر ووٹنگ کرانے سے انکار کرتے ہوئے قومی اسمبلی کا اجلاس غیر معینہ مدت تک ملتوی کر دیا۔
