لاہور: پاکستان مسلم لیگ ن لیگی رہنما عظمیٰ بخاری کی زبان" پھسل" گئی ۔ میڈیا سے گفتگو میں لیگی رہنما نے پلواماواقعے میں مارے گئے 40 بھارتی فوجیوں کو" شہید "قرار دے دیا۔ بولیں ،پلواما واقعے کو ایک وفاقی وزیرنے اپنے حصے میں ڈال دیا۔ عظمیٰ بخاری کے اس زبان پھسلنے پر انہیں خوب تنقید کا نشانہ بنایا جا رہا ہے۔
خیال رہے کہ اس سے قبل بھی عظمیٰ بخاری کی زبان پھسل چکی ہے۔ 2019 میں حکومت کیخلاف احتجاج میں انہوں نے گو عمران گو کی بجائے گو نواز گو کے نعرے لگا دیے تھے۔ یہ احتجاج مسلم لیگ ن نے حکومت کیخلاف پنجاب اسمبلی کی سیڑھیوں پر کیا تھا۔ اس مظاہرے میں لیگی رکن اسمبلی عظمیٰ بخاری نے گلظی سے نواز شریف کیخلاف استعفیٰ لگا دیا تھا۔ بعد ازاں احساس ہونے نعرہ روک دیا تھا اور کھڑی ساتھی اراکین ان کی طرف دیکھ کر مسکرا دیں تھیں۔
یہ بھی یا درہے کہ گو نواز گو کا نعرہ پاکستان تحریک انصاف کے چیئرمین عمران خان نے زبان زدِ عام کیا اور جس میں کئی مسلم لیگی اراکین نے بھی شمولیت اختیار کی اورانہوں نے اپنی ہی قیادت کیخلاف نعرے لگائے۔ مسلم لیگ ن کی رہنما صابر شاہ نے بھی ایک کنونشن میں عمران خان کی بجائے نواز شریف کیخلاف ہی لگا دیا تھا جس پر بعد میں انہیں وضاحت دینی پڑی۔