لندن:دورہ انگلینڈ میں پاکستانی کرکٹ ٹیم کی فتوحات کا سلسلہ جاری ہے اور شاہینوں نے اپنے تیسرے پریکٹس میچ میں لیسٹر شائر کے خلاف 58 رنز سے فتح حاصل کرلی۔ میچ میں سٹار بلے باز بابر اعظم نے 101 رنز کی شاندار اننگز کھیل کر پاکستان کی فتح میں اہم کردار ادا کیا۔
تفصیلات کے مطابق برطانیہ کے خلاف سیریز سے قبل قومی کرکٹ ٹیم کا یہ آخری ٹور میچ تھا۔ قومی کرکٹ ٹیم اس سے قبل ٹور میچوں میں کینٹ اورنارتھمپٹن شائر کی ٹیموں کو بھی شکست سے دوچار کرچکی ہے۔
Pakistan bowl out @leicsccc for 142 and win the #LeiPak T20 by 58 runs.#WeHaveWeWill
— Pakistan Cricket (@TheRealPCB) May 1, 2019
???? John Mallett pic.twitter.com/Y41YQuvDA5
قومی کرکٹ ٹیم نے مقررہ 20 اوورز میں چھ وکٹوں کے نقصان پر200 رنز بنائے جس کے جواب میں لیسٹر شائر کی پوری ٹیم 19.2 اوورز میں 142 رنز بنا کر ڈھیر ہوگئی۔میچ میں قومی کرکٹ ٹیم کے اسٹار بلے باز بابر اعظم نے 101 رنز کی شاندار اننگز کھیلی۔ پاکستان کی جانب سے فخر زمان نے 52 اور آصف علی نے 22 رنز سکور کیے۔
Innings Break!@babarazam258 hits century to lead Pakistan set a target of 2️⃣0️⃣1️⃣ for @LeicsCC in #LeiPak T20 Match.#WeHaveWeWill
— Pakistan Cricket (@TheRealPCB) May 1, 2019
???? John Mallett pic.twitter.com/C3HJK7Xg4L
لیسٹر شائر کے خلاف کھیلے گئے میچ میں قومی کرکٹ ٹیم کی جانب سے عماد وسیم اور شاہین آفریدی نے دو دو کھلاڑیوں کو آﺅٹ کر کے پویلین کی راہ دکھائی۔
محدود اوورز کے دو میچوں میں اس سے قبل عماد وسیم اور فخر زمان بھی قومی کرکٹ ٹیم کی جانب سے سنچریاں سکور کرچکے ہیں۔پاکستان اور انگلینڈ کے درمیان واحد ٹی ٹونٹی انٹرنیشنل میچ اتوار کو کھیلا جائے گا جس کے بعد پانچ میچوں کی ون ڈے سیریز آٹھ مئی سے شروع ہوگی۔
