دبئی : متحدہ عرب امارات کی حکومت نے تعلیم کے شعبے میں نمایاں کارکردگی دکھانے والے 16,456 افراد کو گولڈن ویزے جاری کیے ہیں۔ یہ ویزے 10 سال کے رہائشی پرمٹ ہیں جو خاص طور پر ان افراد کو دیے جاتے ہیں جنہوں نے اپنے شعبے میں بہترین کارکردگی دکھائی ہو۔
گولڈن ویزا حاصل کرنے والوں میں 10,710 ہائی اسکول کے طلبہ شامل ہیں جنہوں نے اپنے امتحانات میں 95 فیصد سے زائد نمبرز حاصل کیے۔ اس کے علاوہ، 5,246 یونیورسٹی گریجویٹس کو بھی گولڈن ویزے دیے گئے ہیں، جبکہ 337 تعلیمی ماہرین اور عالمی سطح پر تسلیم شدہ یونیورسٹیوں کے 147 گریجویٹس اور 16 سائنسدانوں کو بھی یہ ویزے فراہم کیے گئے ہیں۔
ابوظبی میں امیگریشن حکام کا کہنا ہے کہ گولڈن ویزا پروگرام کا مقصد عالمی ٹیلنٹ کو متحدہ عرب امارات میں مستقل رہائش فراہم کرنا ہے تاکہ یہ افراد تعلیم کے شعبے کی ترقی میں اہم کردار ادا کر سکیں۔
