اسد عمر نے ملک میں کورونا وبا کی نئی لہر آنے کا خدشہ ظاہر کر دیا

اسلام آباد : وفاقی وزیربرائے منصوبہ بندی اسد عمر  نے پاکستان میں کورونا وبا کی نئی لہر آنے کا خدشہ ظاہر کر دیا ہے۔ْ

تفصیلات کے مطابق اسد عمر نے اپنے آفیشل  ٹوئٹر  اکاؤنٹ پر ٹوئٹ کرتے ہوئے لکھا کہ کورونا وبا کی ایک اور نئی لہر کے آثار نمایاں ہیں جس کی توقع پچھلے چند ہفتوں سے کی جارہی تھی۔انہوں نے شہریوں کو ماسک کے استعمال کی تاکید کرتے ہوئے کہا کہ یاد رکھیں، ماسک کا استعمال کورونا کیخلاف سب سے بہترین تحفظ ہے۔

https://twitter.com/Asad_Umar/status/1477512932141510658?s=20
 خیال رہے کہ ملک میں کورونا  کے مثبت کیسز کی شرح میں بھی ایک بار پھر اضافہ دیکھنے میں آرہا ہے جو کہ 1.30 تک پہنچ چکا ہے جبکہ اموات میں بھی گزشتہ 2 دنوں میں اضافہ ہوا ہے۔

Statistics 2 Jan 22:
Total Tests in Last 24 Hours: 45,585
Positive Cases: 594
Positivity %: 1.30%
Deaths :8
Patients on Critical Care: 637

— NFRCC (@NFRCCofficial) January 2, 2022

دوسری جانب دنیا بھر میں پھیلاؤ تیز ہونے کے بعد پاکستان کے بڑے شہروں  میں بھی کورونا کے نئے ویرینٹ اومی کرون کے کیسز سامنے آئے ہیں جس کے بعد طبی ماہرین شہریوں سے جلد از جلد ویکسی نیشن کا عمل مکمل کروانے کی تاکید کر رہے ہیں تاکہ اومی کرون کے خطرناک پھیلاؤ کو روکا جا سکے۔

این سی او سی نے بھی اومی کرون وائرس کے دنیا بھر میں تیزی سے ہونے والے پھیلاؤ کے مدنظر شہریوں کو پیغام دیا کہ اومی کرون کے باعث دنیا بھر میں کورونا کی نئی لہر کا سامنا ہے ۔ جس کے خلاف واحد دفاع مکمل ویکسینیشن ہی ہے۔ اپنی ویکسینیشن جلد از جلد مکمل کروائیں اور کرونا کے خلاف جنگ میں حکومت کا ساتھ دیں۔