اسلام آباد: صدر مملکت آصف علی زرداری 4 سے 8 فروری تک چین کا سرکاری دورہ کریں گے۔ اس دورے کے دوران، وہ چینی قیادت سے اہم ملاقاتیں کریں گے اور دونوں ممالک کے تعلقات کو مزید مستحکم بنانے پر بات چیت کی جائے گی۔ صدر کے ہمراہ ایک اعلیٰ سطح کا وفد بھی چین روانہ ہوگا، جس میں بلال بھٹو زرداری، خاتون اول آصفہ بھٹو زرداری، وزیر اعلیٰ سندھ مراد علی شاہ، وزیر اعلیٰ بلوچستان سرفراز بگٹی، اور وزیر داخلہ محسن نقوی شامل ہوں گے۔
اس دورے کے دوران، سی پیک کے دوسرے مرحلے، پاک چین روابط، اور علاقائی و عالمی سلامتی جیسے اہم موضوعات پر مشاورت کی جائے گی۔ بلاول بھٹو اور آصفہ بھٹو چین میں ہونے والے سرمائی گیمز میں شرکت کریں گے۔
ذرائع کے مطابق، صدر آصف علی زرداری چینی صدر شی چنگ پنگ سے ملاقات کریں گے اور 5 نومبر کو شنگھائی عالمی نمائش میں بھی شرکت کریں گے۔
