اسلام آباد : پاکستان اور ملائیشیا کے درمیان قیدیوں کے تبادلے کا معاہدہ اب حتمی مراحل میں داخل ہوگیا ہے۔ سفارتی ذرائع کے مطابق، ملائیشیا نے قیدیوں کے تبادلے کے معاہدے کا مجوزہ ڈرافٹ پاکستان کے حوالے کر دیا ہے۔ اس وقت ملائیشیا کی جیلوں میں 384 پاکستانی قید ہیں۔
ذرائع کا کہنا ہے کہ چند ہفتوں میں دونوں ممالک کی جانب سے اس معاہدے پر دستخط کیے جانے کا امکان ہے، اور یہ دستخط اسحاق ڈار کے ملائیشیا کے دورے کے دوران متوقع ہیں۔ اس معاہدے کے تحت پاکستانی قیدی اپنی سزائیں پاکستان میں کاٹ سکیں گے، جو ان کے خاندانوں کے لیے ایک اہم پیش رفت ہوگی۔
