لاہور: سابق وزیراعلیٰ پنجاب چوہدری پرویز الٰہی نے کہا ہے کہ عمران خان کی مقبولیت سے خوفزدہ پاکستان ڈیموکریٹک موومنٹ (پی ڈی ایم) اب سیاسی مخالفین کو مقدمات سے ڈرانے کی کوشش کر رہی ہے۔
تفصیلات کے مطابق سماجی رابطوں کی ویب سائٹ ٹوئٹر پر جاری پیغام میں چوہدری پرویز الٰہی کا کہنا تھا کہ ’عمران خان کا راستہ روکنے کیلئے ہر غیرقانونی اقدام اٹھایا جا رہا ہے۔ عمران خان سے خوفزدہ حکمران روز ان کے خلاف نیا پلان بناتے ہیں۔ اللہ تعالیٰ کی رحمت اور عوام کی محبت عمران خان اور اتحادیوں کے ساتھ ہے۔ عمران خان کی مقبولیت سے خوفزدہ پی ڈی ایم اب سیاسی مخالفین کو مقدمات سے ڈرانے کی کوشش کر رہے ہیں۔‘
عمران خان کاراستہ روکنے کےلئے ہرغیر قانونی اقدام اٹھایاجارہاہے۔عمران خان سےخوفزدہ حکمران روز انکےخلاف نیا پلان بناتے ہیں۔اللہ تعالی کی رحمت اورعوام کی محبت عمران خان اوراتحادیوں کےساتھ ہے۔عمران خان کی مقبولیت سےخوفزدہ پی ڈی ایم اب سیاسی مخالفین کومقدمات سے ڈرانے کی کوشش کررہی ہے۔
— Ch Parvez Elahi (@ChParvezElahi) February 2, 2023
انہوں نے کہا کہ حکمرانوں کو صرف پوسٹنگ ٹرانسفرز اور سیاسی مخالفین کو مچلنے کی فکر ہے۔ چن چن کر شریف فیملی کے وفادار آفیسرز تعینات کئے جا رہے ہیں۔ تحریک انصاف اور ہمارے خلاف جھوٹے مقدمات اور گرفتاریوں کا سلسلہ عروج پر ہے۔ نگران بھول گئے ہیں کہ وہ اٹھائی ماہ کے مہمان ہیں۔‘
حکمرانوں کو صرف پوسٹنگ ٹرانسفرز ا ور سیاسی مخالفین کو کچلنے کی فکر ہے۔ چن چن کر شریف فیملی کے وفادار آفیسرز تعینات کیے جارہے ہیں۔ تحریک انصاف اور ہمارے خلاف جھوٹے مقدمات اور گرفتاریوں کاسلسلہ عروج پرہے۔ نگران بھو ل گئے ہیں کہ وہ اڑھائی ماہ کے مہمان ہیں۔
— Ch Parvez Elahi (@ChParvezElahi) February 2, 2023
پاکستان مسلم لیگ (ق) کے رہنماءکا مزید کہنا تھا ’پنجاب انتقامی سرگرمیوں کا مرکز بن چکا ہے۔ روز سیاسی مخالفین کے خلاف مقدمات اور گرفتاریوں کا سلسلہ جاری ہے۔ نگران حکومت مکمل طور پر جانبدار ہو چکی ہے اور انتقام کے ایجنڈے پر گامزن ہے۔ مقدمات، گرفتاریاں، چھاپے، پنجاب میں صرف انتقام کا ایجنڈا سرگرم ہے۔ پنجاب میں پولیس کا بدترین استعمال کیا جا رہا ہے۔‘
پنجاب انتقامی سرگرمیوں کا مرکز بن چکا ہے روز سیاسی مخالفیں کے خلاف مقدمات اور گرفتاریوں کاسلسلہ جاری ہے۔نگران حکومت مکمل طور پر جانبدار ہوچکی ہےاور انتقام کےایجنڈےپرگامزن ہے۔ مقدمات،گرفتاریاں،چھاپے،پنجاب میں صرف انتقام کاایجنڈا سرگرم ہے۔پنجاب میں پولیس کابدترین استمعال کیاجارہاہے
— Ch Parvez Elahi (@ChParvezElahi) February 2, 2023
