وصی شاہ اور ڈمی شہباز شریف کے درمیا ن دلچسپ تکرار ،شہباز شریف غصہ میں آگئے 

لاہور: وصی شاہ اور ڈمی شہباز شریف کے درمیان دلچسپ تکرار ہوئی اور وہ پروگرام کے دوران ہی غصے میں آ گئے۔ 

نیو نیوز کے پروگرام زبردست میں ڈمی میوزیم سے آئے شہباز شریف نے پاکستان سپر لیگ پر دلچسپ تبصرہ کرتے ہوئے کہا کہ اس دفعہ ملتان سلطانز اور لاہور قلندرز نہیں ہم جیتیں گے۔ حکومتی ارکان کے حوالے سے دعوی کرتے ہوئے کہا ہمارے پاس حکومت کے 99 ارکان رابطے میں ہیں۔ 

اس کے علاوہ ڈمی میوزیم سے یوسف رضا گیلانی پروگرام میں ٹیلی فونک کال کے ذریعے شریک ہوئے اور پروگرام کے میزبان نے سینیٹ میں اپوزیشن لیڈر کے عہدے سے مستعفی ہونے کے بارے میں پوچھا تو انہوں نے اپنے مزاحیہ انداز میں کہا کہ میں نے اپنا استعفی بلاول صاحب کو بھیج دیا ہے ۔ اس پر شہباز شریف نے کہا کہ جب سینیٹ میں اسٹیٹ بینک بل پاس ہونے لگا تو اپوزیشن لیڈر یوسف رضا گیلانی نے گانا گانا شروع کر دیا تھا۔ 

پروگرام کے دوران میزبان وصی شاہ نے معاون خصوصی شہباز گل کی ٹوئٹ کے بارے میں شہباز شریف سے پوچھا تو انہوں نے شہباز گل کو مشورہ دیا کہ ٹوئٹ تو اپنے ہاتھ میں ہوتا ہے۔ 

ڈمی میوزیم سے آئے شہباز شریف نے وصی شاہ کو مخاطب کرتے ہوئے کہا آپ یہ کیوں نہیں مانتے کہ آج جو کرکٹ کا شور شرابا ہے کیا یہ ہمارے دور میں نہیں ہوا ،س پر وصی شاہ نے کہا کہ یہ تو نجم سیٹھی کا کارنامہ ہے ،جس پر ڈمی شہباز شریف غصہ میں آگئے اور کہا کہ کیا ان کا تعلق مسلم لیگ ق سے تھا ۔۔۔۔؟