لاہور: پاکستان کرکٹ ٹیم کے مایہ ناز فاسٹ باؤلر اور پاکستان سپر لیگ (پی ایس ایل) فرنچائز لاہور قلندرز کے کپتان شاہین شاہ آفریدی نے لیجنڈری آسٹریلین باؤلر بریٹ لی کو بھی اپنا گرویدہ بنا لیا ہے۔
تفصیلات کے مطابق بریٹ لی نے پاکستان کے مایہ ناز سابق فاسٹ باؤلر شعیب اختر کیساتھ گفتگو کرتے ہوئے کہا کہ شاہین شاہ آفریدی ایک حیرت انگیز باؤلر ہے اور اس کا قد لمبا ہونے کی وجہ سے گیند باؤنس بھی اچھی ہوتی ہے، میں شاہین شاہ کا بہت بڑا مداح ہوں۔
He also had something to say about @iShaheenAfridi & other Pakistani players. Stay tuned for this episode. pic.twitter.com/kQmDzkjzPL
— Shoaib Akhtar (@shoaib100mph) January 31, 2022
قبل ازیں شعیب اختر سے گفتگو میں بریٹ لی کا کہنا تھا کہ بابر اعظم کی بیٹنگ تکنیک کیا ہی کمال ہے، اگر ان کی کور ڈرائیو کی بات کی جائے تو میرے خیال میں اس وقت دنیا میں سب سے ہے۔
یہاں یہ امر قابل ذکر ہے کہ گزشتہ سال پاکستان کرکٹ کیلئے بہترین رہا اور بابراعظم، شاہین شاہ آفریدی اور محمد رضوان نے آئی سی سی ایوارڈز جیتنے کیساتھ ساتھ آئی سی سی ٹیم آف دی ائیرز میں بھی جگہ بنائی۔
