ممبئی : بھارت کے بڑے بزنس ٹائیکون مکیش امبانی کی بیٹی عیشا امبانی نے کہا ہے کہ وہ معاشرے میں مرد اور خواتین کے مساوی حقوق کی حامی ہیں۔
تفصیلات کے مطابق بھارت کے سب سے بڑے بزنس ٹائیکون مکیش امبانی کی بیٹی عیشا امبانی نے شادی کے بعد معروف عالمی میگزین ووگ کو انٹرویو دیتے ہوئے کہا کہ میں اپنی شادی کے متعلق زیادہ فکر مند نہیں تھی کہ اس کو کس قدر بہتر آرگنائز کیا جا سکتا ہے لیکن اس کے باوجود شادی بہترین رہی ۔
خاص طور پر ہمارے خاندان میں مجھ سے جذباتی لگاو کی وجہ سے شادی کی تقریب ہمارے سارے خاندان کیلئے بڑی اہمیت کی حامل بن گئی تھی ۔
ایک سوال کے جواب میں انھوں نے کہا کہ میں ہمیشہ سے تصور کرتی تھی کہ میں اپنے بھائی سے زیادہ اچھا کام کر سکتی ہوں اور اب بھی میری خواہش ہے کہ ممبئی میں ایک عالمی میوزیم قائم کیا جائے جس میں دنیا بھر کے آرٹ کو جگہ دی جا سکے۔
