کیپ ٹاون: پہلے ٹی ٹوئنی میچ میں جنوبی افریقہ نے پاکستان کو چھ سکور سے شکست دیدی ، جنوبی افریقہ کی جانب سے ڈو پلاسز نے 78 رنز کی دھواں دار اننگ کھیلی ۔
تفصیلات کے مطابق پہلے ٹی ٹونٹی میچ میں جنوبی افریقہ کی ٹیم نے پہلے بیٹنگ کرتے ہوئے مقررہ اوورز میں چھ وکٹوں کے نقصان پر 192 رنز بنائے ، ڈو پلاسز 45 گیندوں پر 78 رنز بنا کر نمایاں رہے ، ہینڈرک نے 76 سکور کیے۔
مطلوبہ ہدف کے جواب میں پاکستانی ٹیم 9 وکٹوں کے نقصان پر 186 رنز بنا سکی ، شعیب ملک 31 گیندوں پر 49 رنز بنا کر نمایاں رہے ، بابر اعظم نے 38 اور حسین طلعت نے 40 سکور کیے ،جنوبی افریقہ کی جانب سے ہینڈرک ،مورس اور شمسی نے دو دو کھلاڑیوں کو پویلین کی راہ دکھائی ۔
