لاہور:مسلم لیگ (ن) کے صدر نواز شریف کی صاحبزادی مریم نواز شریف سماجی رابطوں کی ویب سائٹ ٹوئٹر پر اپنی پروفائل تصویر کی جگہ سپریم کورٹ سے سزا پانے والےمسلم لیگ (ن) کے رہنماءنہال ہاشمی کی تصویرلگا دی ۔
سماجی رابطوں کی ویب سائٹ ٹوئٹر پر مسلم لیگ (ن) کے صدر نواز شریف کی صاحبزادی مریم نوازنے توہین عدالت کے الزام میں قید کی سزا بھگتنے والے لیگی رہنماءنہال ہاشمی کی تصویر اپنی پروفائل پکچر لگا دی ہے۔ مریم نواز نے اس تصویر کے ساتھ NewProfilePic کا ہیش ٹیگ بھی استعمال کیا ہے۔ مریم نواز کی جانب سے تصویر بدلنے کی ہی دیر تھی کہ ٹوئٹر صارفین بھی میدان میں آگئے ۔
#NewProfilePic pic.twitter.com/neDDJumUqZ
— Maryam Nawaz Sharif (@MaryamNSharif) February 1, 2018
واضح رہے کہ گذشتہ روز سپریم کورٹ آف پاکستان نے سینیٹر نہال ہاشمی کو توہین عدالت کا مرتکب قرار دیتے ہوئے ایک ماہ قید اور 50 ہزار روپے جرمانے کی سزا سنادی، جس کے بعد وہ 5 سال کے لیے نااہل بھی قرار دئیے گئے تھے۔عدالتی فیصلے کے بعد پولیس سینیٹر نہال ہاشمی کو احاطہ عدالت سے گرفتار کرکے تھانہ سیکریٹریٹ لے گئی، جہاں ضروری کارروائی کے بعد انہیں اڈیالہ جیل منتقل کردیا گیاتھا۔
