کراچی :پاکستان بھر میں سونے کی قیمت میں نمایاں کمی دیکھنے میں آئی ہے۔ آل پاکستان جیمز اینڈ جیولر ایسوسی ایشن کے مطابق، سونے کی فی تولہ قیمت میں 1700 روپے کی کمی ہوئی ہے، جس کے بعد سونے کی نئی قیمت 2 لاکھ 74 ہزار 500 روپے مقرر کی گئی ہے۔
اسی طرح، 10 گرام سونے کی قیمت 1457 روپے کم ہو کر 2 لاکھ 35 ہزار 340 روپے ہوگئی ہے۔
عالمی مارکیٹ میں بھی سونے کے بھاؤ میں کمی دیکھنے میں آئی ہے، جہاں فی اونس قیمت 17 ڈالر کم ہوکر 2633 ڈالر پر پہنچ گئی ہے۔
ماہرین کے مطابق، سونے کی قیمتوں میں یہ کمی عالمی معاشی حالات اور ڈالر کی قدر میں اتار چڑھاؤ کی وجہ سے ہوئی ہے۔
