اسلام آباد: پاکستان کی معروف فیشن ڈیزائنر ماریہ بٹ نے فلسطینی عوام سے اظہار یکجہتی کے لیے زندگی بھر انٹرنیشنل فوڈز چینزکا بائیکاٹ کرنے کا پیغام دے دیا۔
سماجی رابطے کی ویب سائٹ ایکس پر فیشن ڈیزائنر ماریہ بٹ نے اپنے پیغام میں کہا کہ زندگی بھر کا بائیکاٹ فلسطین کے لیے لڑنے کا میرا طریقہ ہے۔ ان کا کہنا تھا کہ یہ عفریت جو فلسطین میں ہمارے بچوں کی نسل کشی کی حمایت کر رہے ہیں ان کو مجھ سے ایک روپیہ بھی نہیں ملے گا۔
ما ریہ بی نے اپنے پیغام میں کہا کہ بائیکاٹ ایک ٹرینڈ نہیں ہے، اب یہ میرا طرز زندگی ہے۔انہوں نے اپنے پیغام میں کہا کہ پاکستان میں معروف انٹرنیشنل فوڈ چینز کے مقابلے پرملکی فوڈ ٹرائی کرتے ہوئے کہا کہ ان کے برگرز کا ذائقہ اور کوالٹی انٹرنیشنل فوڈ چینز سے کہیں بہتر ہیں۔
BOYCOTT For life is my way of fighting for Palestine. These monsters who are supporting the genocide of our children in Palestine will not get Rs1 from me .
— Maria.B: Woman=Adult Human Female (@RealMariaButt) December 1, 2023
Boycott is not a trend. Its my lifestyle now... join the revolution. ✌️✌️
Support Pakistani companies. Buy Local.… pic.twitter.com/T9Q5Ulc2NP
فیشن ڈیزائنر نے اپنے پیغام میں مزید کہا کہ اگر آپ اپنے فلسطینی بہن بھائیوں کی مدد کرنا چاہتے ہیں تو انٹرنیشنل فاسٹ فوڈز کا بائیکاٹ کریں۔ یہ برانڈز ہمارے دشمنوں کی مدد کرتے ہیں تا کہ وہ فلسطین میں ہمارے بچوں کی نسل کشی کر سکیں۔
ان کا مزید کہنا تھا کہ انٹرنیشنل جنک فوڈ چینز کا بائیکاٹ کرتے ہوئے پاکستانی پراڈکٹس اور لوکل انڈسٹری کو سپورٹ کریں اس سے ملکی معیشت کی بہتری میں بھی مدد ملے گی اور دشمنوں کو سپورٹ کرنے والی ان کمپنیز کو بھی پتہ چلے گا۔
