کراچی: صدرمملکت ڈاکٹر عارف علوی نے کہا ہے کہ روپے پر دباؤ کے باعث قوم پاکستانی ملکی اشیا خریدنے کو فوقیت دیں۔
تفصیلات کے مطابق صدر مملکت ڈاکٹر عارف علوی نے سوشل میڈیا پر بیان جاری کیا جس میں ان کا کہنا تھا کہ پاکستانیوں کو لگژری اشیاء کی خریداری سے اجتناب کرنا چاہیے اور روپے پر دباؤ کے باعث پاکستانی ملک میں بنی اشیا خریدیں۔
Considering pressure on Pak rupee,I urge Pakistanis to buy 'Made in Pakistan'. In this time of crisis we must try to avoid luxury goods & avoidable imported purchases. If you put your mind to it there is a long list of daily use imported products. This is what we must do together
— Dr. Arif Alvi (@ArifAlvi) December 2, 2018
ڈاکٹر عارف علوی نے کہا کہ اگر ہم ملکی اشیاء پر غور کریں تو روزانہ کے استعمال کی بے شمار چیزیں ہیں، جس کو ہم لگژری اشیاپر فوقیت دے سکتے ہیں، اور یہ ہم سب کو ملکر کر کرنا چاہیے۔
واضح رہے دو روز قبل پاکستانی روپے کی قدر میں ریکارڈ کمی دیکھی گئی اور ڈالر تاریخ کی بلند ترین سطح 142 پر پہنچ گیا تھا۔
