کراچی:پاکستان تحریک انصاف کی سابق بانی رہنما اورپاک سرزمین پارٹی کی سینئر رہنما فوزیہ قصوری نے سیاست چھوڑنے کا اعلان کر دیا ہے۔
تفصیلات کے مطابق فوزیہ قصوری نے سماجی رابطے کی ویب سائٹ ٹوئٹر پر سیاست چھوڑنے کا اعلان کرتے ہوئے کہا کہ سیاست میں میرا سفر ختم ہو گیا ہے۔
فوزیہ قصوری نے کہا کہ میں ملک کی ترقی کے لیے دعا کرتی رہوں گی اور اب آئندہ فلاحی کاموں کے ذریعے ملک کی خدمت کرنے کی کوشش کروں گی۔
My journey in politics is over. However, I continue to pray for Pakistan and wish to do whatever little I can for helping out with various charities. https://t.co/pm1Rby42yI
— Fauzia Kasuri (@FauziaKasuri) December 2, 2018
فوزیہ قصوری اس سے قبل پاکستان تحریک انصاف (پی ٹی آئی) کی مرکزی رہنما تھیں اور 24 مئی 2018 کو عام انتخابات سے قبل قیادت کی پالیسیوں سے اختلاف کے باعث پی ٹی آئی کو خیرباد کہہ کر پی ایس پی میں شمولیت اختیار کی تھی۔
فوزیہ قصوری تحریک انصاف کے ابتدائی لوگوں میں شمار ہوتا تھا اور انہوں نے ہر مشکل وقت میں عمران خان کا ساتھ دیا اور تحریک انصاف کی خواتین ونگ کی صدر بھی رہی تھیں۔
