انقرہ: ترکیے نے سوشل میڈیا پلیٹ فارم انسٹاگرام کو بلاک کر دیا ہے، حکام نے جمعہ کو پابندی کی کوئی وجہ یا مدت بتائے بغیر پلیٹ فارم کی موبائل ایپ کو بھی ناقابل رسائی چھوڑ دیا۔
خبر ایجنسی کے مطابق انسٹاگرام بلاک کرنے کا حکم ترک انفارمیشن ٹیکنالوجیز، کیمونیکیشن اتھارٹی کی ویب سائٹ پر جاری کیا ہے۔ترکیے نے انسٹاگرام بلاک کرنے کی وجہ واضح نہیں کی۔ ترکیے میں انسٹاگرام موبائل ایپ بھی بلاک کی گئی ہے۔
ترکی کی انفارمیشن ٹیکنالوجیز اینڈ کمیونیکیشن اتھارٹی (BTK) نے 2 اگست کا فیصلہ اپنی ویب سائٹ پر شائع کیا۔
یہ اقدام بدھ کے روز ترک مواصلاتی عہدیدار فرحتین التون کے تبصروں کے بعد کیا گیا ہے، جس نے فلسطینی عسکریت پسند گروپ حماس کے ایک اہم عہدیدار اسماعیل ہنیہ کے قتل پر تعزیتی پوسٹس کو بلاک کرنے کے پلیٹ فارم پر تنقید کی۔
التون نے کہا کہ”یہ سنسرشپ ہے، خالص اور سادہ“، ترک ایوان صدر کے کمیونیکیشن ڈائریکٹر نے ایکس پر کہا کہ انسٹاگرام نے اپنی کارروائی کے لیے کسی پالیسی کی خلاف ورزی کا حوالہ نہیں دیا۔
پابندی یا التون کے تبصروں پر انسٹاگرام کے میٹا پلیٹ فارمز کی طرف سے فوری طور پر کوئی تبصرہ نہیں کیا گیا۔
