اسلام آباد: پاکستانی دفتر خارجہ نے کینیڈا کے سابق وزیر کرس الیگزینڈر کی ہرزہ سرائی کی شدید مذمت کرتے ہوئے کہا ہے کہ موصوف کے اندر ناصرف سمجھ بوجھ کا فقدان ہے بلکہ انھیں افغانستان کی صورتحال کا بھی قطعی کوئی علم نہیں ہے۔
ترجمان دفتر خارجہ زاہد حفیظ چودھری کی جانب سے جاری ردعمل میں کہا گیا ہے کہ سابق وزیر کرس الیگزینڈر کا معاملہ کینیڈا کی حکومت کے سامنے اٹھایا گیا ہے۔
We strongly condemn the unwarranted comments by former Canadian Minister Chris Alexander, making unfounded & misleading assertions about 🇵🇰’s role in #AfghanPeaceProcess. Such remarks betray a complete lack of understanding of the issue as well as ignorance of facts on ground.1/3
— Ministry of Foreign Affairs - Pakistan (@ForeignOfficePk) August 1, 2021
اس معاملے پر دفتر خارجہ کی جانب سے جاری ٹویٹ میں کہا گیا ہے کہ افغان امن عمل کے بارے میں کینیڈا کے سابق وزیر کی جانب سے جو گمراہ کن اور بے بنیاد دعوے کئے جا رہے ہیں، اس کی بھرپور مذمت کرتے ہیں۔
دفتر خارجہ کی ٹویٹ میں کہا گیا ہے کہ اس طرح کے بیانات افغان امن عمل کے معاملے پر اصل زمینی حقائق سے مکمل لاعلمی کا اظہار کرتے ہیں۔
زاہد حفیظ چودھری نے کہا کہ پاکستانی حکومت کی جانب سے اس ہرزہ سرائی کو کینیڈین حکومت کے سامنے اٹھایا گیا ہے۔ ہم کینیڈین حکام پر زور دیتے ہیں کہ وہ اس بدنیتی سے نمٹنے کیلئے فوری اور ٹھوس اقدامات اٹھائے۔
ان کا کہنا تھا کہ افغانستان کے معاملے پر پاکستان کی پالیسی بالکل واضح اور دوٹوک ہے۔ وزیراعظم عمران خان کی جانب سے افغانستان کے بارے میں جو خدشات طویل وقت سے ظاہر کئے جا رہے تھے، اب انٹرنیشنل طاقتیں ابھی اب انھیں اپنا رہی ہیں۔
بیان میں کہا گیا ہے کہ افغان امن عمل کے اس موقع پر اس قسم کا بلا ضرورت تبصرہ قابل افسوس ہے۔ حالانکہ دنیا اس بات کو تسلیم کر چکی ہے کہ افغانستان کا کوئی فوجی حل نہیں ہے، یہ تصفیہ صرف سیاسی طور پر ہی حل کیا جا سکتا ہے۔ دنیا نے بالاخر وزیراعظم عمران خان کی اس بات کو تسلیم کر لیا ہے۔
Taliban fighters waiting to cross the border from Pakistan to Afghanistan: anyone still denying that Pakistan is engaged in an ‘act of aggression’ against Afghanistan is complicit in proxy war & war crimes.#SanctionPakistan #EndProxyWar pic.twitter.com/2Nas7VhQBI
— Chris Alexander 🌻 (@calxandr) August 1, 2021
یہ بات ذہن میں رہے کہ کینیڈا کے سابق وزیر کرس الیگزینڈر کی جانب سے ابھی حال ہی میں ایک ٹویٹ جاری کی گئی تھی جس میں انہوں نے الزام عائد کیا تھا کہ طالبان جنگجو پاکستانی سرحد پار کرکے افغان سرزمین میں داخل ہونے کا انتظار کر رہے ہیں۔
