اسلام آباد: معلومات چرانے کیلئے ہیکرز سرگرم ہوگئے، 12 نئی چیٹ ایپلی کیشنز کا استعمال کرنے لگے۔ذرائع کے مطابق کابینہ ڈویژن نے تمام وفاقی وزارتوں اور ڈویژنز کو مراسلہ بھجوا دیاہے جس میں بتایا گیا ہے کہ ہیکرز مجموعی طور پر 132 ایپلی کیشنز کے ذریعے اہم معلومات تک رسائی کی کوشش کر رہے ہیں۔
ذرائع کے مطابق ہیکرز نے معلومات چرانے کے لیے 12 نئی چیٹ ایپلی کیشنز کا استعمال بھی شروع کیا ہے جن کے ذریعے ہیکرز اہم معلومات تک رسائی کی کوشش کر رہے ہیں۔
ذرائع کا کہنا ہے کہ چیٹ ایپلی کیشنز کے ذریعے ٹریپ کر کے اہم معلومات تک رسائی کی کوشش کی جارہی ہے، مراسلے میں ایپلی کیشنز انسٹال کرنے والے افسران کو انٹرنیٹ منقطع کرنے کی سفارش کی گئی ہے۔
مراسلے میں معروف اینٹی وائرس انسٹال کر کے اپنے موبائل فون سکین کرنے کی سفارش کی گئی ہے، مراسلے میں ناقابل اعتبار ایپلی کیشنز سے انسٹالیشن نہ کرنے کی تجویز دی گئی ہے۔
