کینڈی: ایشیا کپ میں 2 ستمبر کو سری لنکا کے شہر کینڈی میں پاکستان اور بھارت کے درمیان ہونے والےہائی وولٹیج میچ میں خراب موسم کی وجہ سے رکاوٹوں کا سامنا کرنا پڑ سکتا ہے کیونکہ اس دن کی پیشین گوئیوں میں بارش کے نمایاں امکان کی نشاندہی ہوتی ہے۔
واضح رہے کہ پاک بھارت کا میچ 2 ستمبر کو دوپہر 2:30 بجے (PST) شروع ہونا ہے، لیکن پیشن گوئی کرنے والی ایجنسی AccuWeather نے کینڈی میں ناموافق حالات کی پیش گوئی کی ہے۔ اس کے مطابق صبح 8:30 بجے سے گرج چمک کے ساتھ بارش اور ہلکی ہوائیں متوقع ہیں، جو شام 4:30 بجے تک برقرار رہیں گی۔
AccuWeather کے مطابق ہلکی ہواؤں کے ساتھ ہلکی بارش بھی دن بھر جاری رہنے کی توقع ہے۔
پیشن گوئی کرنے والی ایجنسی کے مطابق دوران بارش کے 94 فیصد امکانات کے ساتھ وقفے وقفے سے رات تک بارش ہونے کے امکانات ہیں۔
دریں اثنا، موسم سے باخبر رہنے والی ایک اور ویب سائٹ Weather.com نے دن میں بارش کے 80 فیصد اور غروب آفتاب کے بعد 70 فیصد امکان کی پیش گوئی کی ہے۔
اگر بارش کے باعث میچ منسوخ ہوتا ہے تو بھارت نیپال کو شکست دیکر ایونٹ کے ٹاپ فور میں جگہ پکی کرسکتا ہے جہاں دونوں ٹیمیں ایک بار پھر مدمقابل آئیں گی۔
اگر انتہائی غیر امکانی صورت میں کہ نیپال اپنے گروپ مرحلے کے میچ میں انڈیا کو شکست دیتا ہے، پاکستان اور نیپال سپر فور مرحلے میں جائیں گے۔ نیپال کی کم درجہ بندی اور ہندوستان کے مقابلے میں ٹورنامنٹ میں ناتجربہ کاری کے پیش نظر اس منظر نامے کا امکان کم ہے۔
واضح رہے کہ پاکستان نے پہلے میچ میں نیپال کو 238 رنز سے شکست دی تھی۔ ملتان میں کھیلے گئے ایشیا کپ کے پہلے میچ پاکستان نے نیپال کے خلاف ٹاس جیت کر پہلے بیٹنگ کا فیصلہ کیا۔ ایشیا کپ کے دوسرے میچ میں سری لنکا نے بنگلہ دیش کو شکست دے دی۔
