اسلام آباد: اسلام آباد پولیس کا کہنا ہے کہ خاتون جج کو دھمکی دینے کے کیس میں عمران خان پیش نہ ہوئے تو انہیں گرفتار کیا جا سکتا ہے۔
اسلام آباد پولیس کی طرف سے ٹویٹر پر جاری بیان میں کہا گیا ہے کہ چئیرمین پی ٹی آئی عمران خان کے وارنٹ گرفتاری جاری ہونا ایک قانونی عمل ہے۔عمران خان پچھلی پیشی پر عدالت میں پیش نہیں ہوئے تھے۔ان کی عدالت میں پیشی کو یقینی بنانے کے لیے وارنٹ گرفتاری جاری ہوئے ہیں۔
دہشت گردی کی دفعہ خارج کرنے کا حکم جاری کیا تھا۔اس حکم کے بعد یہ مقدمہ سیشن کورٹ میں منتقل کیا گیاتھا۔ عمران خان نے سیشن کورٹ سے ابھی تک اپنی ضمانت نہیں کروائی۔پیش نہ ہونے کی صورت میں انہیں گرفتار کیا جاسکتا ہے۔
— Islamabad Police (@ICT_Police) October 1, 2022
عوام سے گذارش ہے کہ افواہوں پر کان مت دھریں۔
2/2#ICTP #OPS
اسلام آباد پولیس کا کہنا ہے کہ معزز عدالت عالیہ نے مقدمہ نمبر 407/22 سے دہشت گردی کی دفعہ خارج کرنے کا حکم جاری کیا تھا۔اس حکم کے بعد یہ مقدمہ سیشن کورٹ میں منتقل کیا گیاتھا۔ عمران خان نے سیشن کورٹ سے ابھی تک اپنی ضمانت نہیں کروائی۔پیش نہ ہونے کی صورت میں انہیں گرفتار کیا جاسکتا ہے۔ عوام سے گذارش ہے کہ افواہوں پر کان مت دھریں۔
