ممبئی:بابری مسجد انہدام کیس کا متنازعہ فیصلہ آنے کے بعد جہاں پوری دنیا کے مسلمان سیخ پا ہیں وہی بھارتیوں کی جانب سے بھی شدید ردعمل آرہا ہے۔
لکھنئو کی عدالت کی جانب سے گزشتہ روز تاریخی بابری مسجد کے انہدام کیس کا فیصلہ سنایا گیا جس میں تمام 32ملزمان کو بری کردیا گیا تھا جس کے بعد پاکستان کی جانب سے اب اس کی شدید مذمت کی گئی تھی۔
فیصلہ آنے کے بعد بالی ووڈ اداکارہ سورا بھاسکر، ریچا چڈھا ،انوبھو سنہاسمیت بالی ووڈ کے کئی ستاروں نے اپنا رد عمل ظاہر کیا ہے۔
اداکارہ سورا بھاسکر نے اپنے ٹوئٹ میں لکھا، ’بابری مسجد خود ہی منہدم ہوگئی تھی‘۔
बाबरी मस्जिद ख़ुद ही गिर गया था। ????????????????????????
— Swara Bhasker (@ReallySwara) September 30, 2020
اداکارہ ریچا چڈھا نے ٹوئٹ کرکے کہا، ’اس جگہ سے اوپر بھی ایک عدالت ہے، جہاں دیر ہے اندھیر نہیں‘۔
इस जगह से ऊपर भी एक अदालत है, यहां देर है अंधेर नहीं।
— TheRichaChadha (@RichaChadha) September 30, 2020
فلم ڈائریکٹر انوبھو سنہا نے ٹوئٹ کرکے لال کرشن ایڈوانی کو مبارکباد پیش کی۔ انوبھو سنہا نے ٹوئٹ کیا ’لال کرشن ایڈوانی کو مبارکباد۔ اب آپ اس ملک کی آتما پر اکیلے ایک لمبی خونی لکیر کھینچنے کے الزامات سے بری ہوگئے ہیں۔ بھگوان آپ کو بہت لمبی عمر دے‘۔
Congratulations Mr Lal Krishna Advani you are now acquitted of the charges of single handedly drawing a bloody line across the soul of this country. May God give you a very long life.
— Anubhav Sinha (@anubhavsinha) September 30, 2020
واضح رہے کہ اس معاملے میں لال کرشن ایڈوانی، مرلی منوہرجوشی، کلیان سنگھ، اوما بھارتی، ونے کٹیار، سادھوی رتنبھرا، مہنگ نرتیہ گوپال داس، ڈاکٹر رام ولاس ویدانتی، چنپت رائے، مہنت دھرم داس، ستیش پردھان، پون کمار پانڈے، للو سنگھ، پرکاش شرما، وجے بہادر سنگھ، سنتوش دوبے، گاندھی یادو، رام جی گپتا، برج بھوشن شرن سنگھ، کملیش ترپاٹھی، رام چندر کھتری، جے بھگوان گوئل، اوم پرکاش پانڈے، امرناتھ گوئل، جے بھگوان سنگھ پویا، ساکشی مہاراج، ونے کمار رائے، نوین بھائی شکلا، آر این شری واستو، آچاریہ دھرمیندر دیو، سدھیر کمار ککڑ اور دھرمیندر سنگھ گرجر ملزم تھے جن کو عدالت نے بری کرنے کا حکم جاری کیا تھا۔
