اعتماد ہے کہ مارشل لاءنہیں لگے گا: خواجہ آصف

لاہور: پاکستان مسلم لیگ (ن) کے رہنماءاور وفاقی وزیر دفاع خواجہ آصف نے کہا ہے کہ لانگ مارچ شار ٹ مارچ ہوچکا ہے اور ان کی خواہشات پوری ہوتی نظر نہیں آ رہیں، فوج اپنے آئینی کردار میں واپس آ چکی ہے اور اعتماد ہے کہ مارشل لاءنہیں لگے گا۔ 
تفصیلات کے مطابق خواجہ آصف نے اپنے بیان میں کہا کہ لانگ مارچ کرنے والوں کی آپس میں لڑائیاں شروع ہو چکی ہیں اور ان کی خواہشات پوری ہوتی نظر نہیں آ رہیں، یہ ابن الوقت شخص ہے اس پر اعتبار کرنا غلطی ہو گی، جو اس کے محسن تھے یہ ان کو گالیاں دیتا ہے۔ 
ان کا کہنا تھا کہ ہم محاذ آرائی نہیں چاہتے مگر یہ چاہتے ہیں، پرسوں عمران خان نے بیان دیا اسٹیبلشمنٹ سے رابطے ہیں حالانکہ جس چیز کو عمران خان کے رابطے کہا جا رہا ہے وہ ایک شادی پر ملاقات تھی، ایک ادارہ ماضی سے سبق لے کر اپنے وقار کا تحفظ کرنا چاہتا ہے جبکہ عمران خان کے ساتھی مارشل لاءکے تانے بانے سے ہیں۔ 
خواجہ آصف کا کہنا تھا کہ عمران خا ن نے فلمی ڈائیلاگ بولا، فوج اپنے آئینی کردار میں واپس آ چکی ہے اور اللہ نہ کرے کہ مارشل لاءجیسی صورتحال ہو، پورا اعتماد ہے کہ مارشل لاءنہیں لگے گا۔