وزیراعظم آزاد کشمیر سردار تنویر الیاس نے کہا ہے کہ آزادکشمیر میں بلدیاتی انتخابات کسی صورت التوا کا شکار نہیں ہونگے۔
وزیراعظم آزادکشمیر سردار تنویر الیاس کا کہنا ہے کہ عمران خان کے ویژن،پی ٹی آئی کے انتخابی منشور اور عوام سے کیے گئے بڑے وعدے کو عملی جامہ پہنانے اورسپریم کورٹ کی ہدایات کے مطابق بلدیاتی انتخابات مقررہ وقت پر ہونگے۔ آزادکشمیر میں 31سال بعد بلدیاتی انتخابات کا انعقاد پی ٹی آئی کی حکومت کا اعزاز ہے
وزیراعظم آزادکشمیر سردار تنویر الیاس نے کہاالیکشن کمیشن کو ان کی ضرورت کے مطابق بروقت انتخابات کے انعقاد کیلئے وسائل کردئیے گئے ہیں۔ انتخابات کے لیے سکیورٹی فورسز کا کوئی ایشو نہیں،وفاقی حکومت اور صوبوں سے رابطے میں ہیں۔عوام افواہوں پر کان نہ دھریں اور انتخابات کی بھرپور تیاری کریں۔
انہوں نے کہا عوام سے وعدہ ہے کہ آپ کے حقوق پر کوئی کمپرومائز نہیں کرونگا اور آپکا دیرینہ خواب کسی صورت ٹوٹنے نہیں دونگا۔ حکومت آزادکشمیر وفاقی وزیرداخلہ سے رابطے میں ہے اور سکیورٹی فورسز کی فراہمی کے حوالے سے بات چیت جاری ہے۔ اگر کسی وجہ سے انتخابات کے لیے وفاق کی جانب سے سکیورٹی فورسز کی فراہمی ممکن نہیں ہوتی تو حکومت آزادکشمیر پنجاب،کے پی کے،گلگت بلتستان سے سکیورٹی فورسز اور پاک فوج سے بھی سکیورٹی کیلئے د رخواست کردی ہے۔
