کراچی: قومی جونیئر شطرنج چیمپئن مہک مقبول نے وزیراعلیٰ سندھ مراد علی شاہ کو شطرنج کے مقابلے میں شکست دے دی۔
یہ دلچسپ مقابلہ وزیراعلیٰ سندھ کی جانب سے مہک مقبول کو شطرنج کھیلنے کی دعوت دینے کے بعد منعقد ہوا۔ مہک مقبول، جو شہزاد رائے کے زندگی ٹرسٹ کے ایس ایم بی فاطمہ جناح اسکول کی طالبہ ہیں، حال ہی میں انڈر 18 شطرنج چیمپئن بنیں تھیں اور ان کی ذہانت نے انہیں قومی چیمپئن کا اعزاز دلایا۔
شہزاد رائے نے اس موقع پر وزیراعلیٰ سندھ کی مہک مقبول کو دعوت دینے کی تعریف کی اور کہا کہ مراد علی شاہ شطرنج کے بہترین کھلاڑی ہیں لیکن مہک نے انہیں شطرنج کے تخت پر چیک میٹ دے دیا۔ انہوں نے یہ بھی کہا کہ کھیل کے دوران مہک بہت پُراعتماد نظر آئیں۔
شہزاد رائے کا کہنا تھا کہ بچوں کو اسکرین سے دور کر کے شطرنج جیسے دماغی کھیلوں کی طرف مائل کرنا ضروری ہے۔ وزیراعلیٰ سندھ کے لیے یہ خوشی کی بات ہے کہ انہیں انہی کے اسکول کی بچی نے شکست دی۔
ترجمان وزیراعلیٰ سندھ نے بتایا کہ مہک مقبول نے 15 مووز میں وزیراعلیٰ سندھ کو چیک میٹ کیا۔