اسلام آباد: سٹیٹ بینک آف پاکستان نے زکوٰۃ کی کٹوتی کے سلسلے میں اعلان کیا ہے کہ 3 مارچ بروز پیر ملک بھر کے تمام بینک عوامی لین دین کے لیے بند رہیں گے۔
سٹیٹ بینک کے جاری کردہ نوٹیفکیشن کے مطابق، اس روز تمام بینکوں اور مالیاتی اداروں میں عوامی لین دین کی سہولت دستیاب نہیں ہوگی، تاہم بینکوں کا عملہ معمول کے مطابق اپنی ڈیوٹیز پر موجود ہوگا۔ اس دن بینک صرف زکوٰۃ کٹوتی کا عمل انجام دیں گے۔
اعلامیہ میں مزید کہا گیا ہے کہ رمضان المبارک کے دوسرے روز تمام کمرشل بینکوں میں عوامی لین دین معطل رہے گا اور بینک کا عملہ صرف زکوٰۃ کٹوتی کے عمل کی نگرانی کرے گا۔
عوام کو مشورہ دیا گیا ہے کہ وہ اپنی بینکاری ضروریات کے لیے متبادل دنوں میں بینکوں کا رخ کریں۔
