نئی دہلی: گوگل نے جمعہ کے روز ہندوستان میں 10 کمپنیوں کی ایپس کو ہٹانا شروع کیا، جن میں ”بھارت میٹریمونی“ جیسی رشتے اور شادی کرانے والی کچھ مشہور ایپس شامل ہیں۔
غیر ملکی ذرائع کے مطابق ممکنہ طور پر اسٹارٹ اپ فرموں کے ساتھ تنازعہ سروس فیس کی ادائیگیوں پر ہے۔
تنازعات کا مرکز کچھ ہندوستانی اسٹارٹ اپس کی جانب سے گوگل کو ایپ ادائیگیوں پر 11% سے 26% فیس لگانے سے روکنے کی کوششوں پر ہے، جبکہ بھارتی حکام نے اسے 15% سے 30% چارج کرنے کے پہلے کے نظام کو ختم کرنے کا حکم دیا تھا۔
لیکنجنوری اور فروری میں سپریم کورٹ کے دو عدالتی فیصلوں کے بعد، گوگل کو مؤثر طریقے سے فیس وصول کرنے یا ایپس کو ہٹانے اور اسٹارٹ اپس کو کوئی ریلیف نہ دینے کی اجازت مل گئی تھی۔
Matrimony.com ڈیٹنگ ایپس، بھارت میٹریمونی، کرسچن میٹریمونی، مسلم میٹریمونی اور جوڑی کو جمعہ کے روز حذف کر دیا گیا تھا، کمپنی کے بانی مروگاول جانکیرامن نے اس اقدام کو ”انڈین انٹرنیٹ کا سیاہ دن“ قرار دے دیا۔
ایک بلاگ پوسٹ میں، گوگل نے کہا کہ 10 ہندوستانی کمپنیوں نے”گوگل پلے پر ملنے والی بے پناہ قیمت“ کے لیے ادائیگی نہ کرنے کا انتخاب کیا ہے تاہم گوگل نے فرموں کی شناخت نہیں کی۔
گوگل کا کہنا ہے کہ یہ فیس، ایپ اسٹور اور اینڈرائیڈ میں سرمایہ کاری کی حمایت کرتی ہے، مفت تقسیم کو یقینی بناتی ہے، اور ڈویلپر ٹولز اور تجزیاتی خدمات کا احاطہ کرتی ہے۔
اس کے علوہ گوگل نے پوسٹ میں لکھا کہ گوگل پلے پلیٹ فارم استعمال کرنے والے 200,000 سے زیادہ ہندوستانی ڈویلپرز میں سے صرف 3% کو سروس فیس ادا کرنے کی ضرورت ہے۔