ممبئی: ’کے کے‘ کےنام سے شہرت رکھنے والے نامور بھارتی گلوکار کرشنا کمار لائیو پرفارمنس کے بعد اچانک چل بسےجس نے بھارت سمیت دنیا بھر میں ان کے مداحوں کو افسردہ کر دیا۔
بھارتی میڈیا کے مطابق گزشتہ روز ’کے کے‘ پرفارمنس کے بعد ہوٹل گئے جہاں ان کی طبیعت اچانگ بگڑ گئی تاہم انہیں فوری اسپتال منتقل کیا گیا لیکن وہ جان کی بازی ہار گئے۔
’کے کے‘ کے انتقال پر ٹوئٹر پر ان کی یاد میں ٹاپ ٹرینڈ بن گیا اور خبر جنگل میں آگ کی طرح پھیل گئی ، اہم شخصیات سمیت فینز کی بڑی تعداد ان کے اچانک انتقال پر شدید غمزدہ نظر آئی۔
بھارتی وزیر اعظم نریندر مودی نے گلوکار کے انتقال پر اپنے تعزیتی پیغام میں کہا کہ ان کے گیت جذبات کی وسیع عکاسی کرتے تھے جو ہر عمر کے لوگوں کے ساتھ جڑا ہوا کرتے تھے۔
https://twitter.com/narendramodi/status/1531705161109843968?s=20&t=kOGum2fqZkD6EmxuWaEfRA
نامور بھارتی فلمسٹار اکشے کمار اور ابھیشیک بچن نے بھی کے کے کی موت پر گہرے رنج کا اظہار کیا ۔
Extremely sad and shocked to know of the sad demise of KK. What a loss! Om Shanti 🙏🏻
— Akshay Kumar (@akshaykumar) May 31, 2022
This is such shocking and sad news. KK, thank you for sharing your talent with us all. Gone too soon. Rest in harmony!
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) May 31, 2022
بھارتی اداکار جاوید جعفری نے بھی دکھ کا اظہار کرتے ہوئے کے کے کی فیملی سے اظہار تعزیت کیا۔
https://twitter.com/jaavedjaaferi/status/1531713467735887873?s=20&t=MIX3UuDpxM3WL-KeEAue2Q
بھارتی گلوکارہ نے بھی ٹوئٹ کرتے ہوئے لکھا کہ خبر پر یقین کرنا مشکل ہو رہا ہے، دل ٹوٹ گیا ہے۔
I am unable to wrap my head around this news. Numb. #KK Why! This is too hard to accept! Heart is shattered in pieces.
— Shreya Ghoshal (@shreyaghoshal) May 31, 2022
آنجہانی بھارتی گلوکار ’کے کے‘کی پہلی البم ’پل‘ 1999 میں ریلیز ہوئی تھی تاہم بعد ازاں انہوں نے بالی ووڈ فلموں کیلئے گلوکاری شروع کر دی جس سے شہرت کی بلندیوں پر پہنچ گئے۔
1999 میں سلمان خان اور ایشوریا رائے کی فلم ’ہم دل دے چکے صنم‘ میں گایا گیا گانا ’ تڑپ تڑپ کے اس دل سے آہ نکلتی رہی‘، 2005 میں دس فلم کا گانا ’ دس بہانے کر کے لے گئے دل‘، اور 2014 میں غنڈے مووی کا گانا ’تو نے ماری انٹریاں‘ ان کے کیریئر کے مشہور گانوں میں سے چند ایک ہیں۔
View this post on Instagram
واضح رہے کہ کنسرٹ کے دوران ’کے کے‘ کی ایک پرفارمنس کی ویڈیو سوشل میڈیا پر وائرل ہورہی ہے جس میں انہوں نے اپنا مشہور گانا ’ہم رہیں یہ نہ رہیں‘ گایا تھا۔
