لاس اینجلس، آتشبازی کے سامان سے بھرا ٹرک دھماکے سے پھٹ گیا، 17 افراد زخمی

لاس اینجلس: آتشبازی کے سامان سے بھرا ٹرک امریکا میں دھماکے سے پھٹ گیا ہے جس کے نتیجے میں 17 افراد زخمی ہو گئے ہیں۔

عالمی خبر رساں ایجنسی کے مطابق امریکی ریاست لاس اینجلس میں آتشبازی کے سامان سے بھرے ہوئے ٹرک میں خوفناک دھماکہ ہوا جس کے نتیجے میں 17 افراد زخمی اور متعدد گاڑیاں تباہ ہوگئی ہیں۔

دھماکے سے قرب و جوار کی عمارات کو بھی سخت نقصان پہنچا ہے جب کہ کئی شاپنگ مالز کے بھی شیشے ٹوٹ گئے ہیں۔ اسپتال منتقل کیے جانے والے 17 افراد میں سے کئی حالت تشویشناک ہے۔

پولیس کی ابتدائی رپورٹ کے حوالے سے بتایا گیا ہے کہ آتشبازی کا سامان محفوظ مقام تک منتقل کیا جا رہا تھا کہ یہ حادثہ ہو گیا۔ ایل اے پی ڈی کے چیف مشیل مور نے بتایا ہے کہ آتش بازی کے سامان کو لوڈ کرنے اور انہیں محفوظ مقام پر منتقل کرنے کے لیے تین باکس ٹرک اور 53 فٹ کا ٹریلر لایا گیا تھا۔

عالمی خبر رساں ایجنسی کے مطابق پولیس نے دھماکہ خیز مواد رکھنے کے شبے میں ایک 27 سالہ شخص کو گرفتار بھی کر لیا ہے۔