اسلام آباد: وزیر اعظم شہباز شریف کی ہدایت پر ریئل سٹیٹ اور ہاؤسنگ شعبے کی بحالی کے لیے ورکنگ پیپر تیار کر لیا گیا ہے۔
سی ایم ہاؤس کے ذرائع کے مطابق وزیر اعظم کو ٹاسک فورس کی سفارشات بھیج دی گئی ہیں، جن میں رہائشی گھروں کے لیے اضافی منزل کی تعمیر کی اجازت دینے کی تجویز شامل ہے۔
ذرائع نے بتایا کہ وزیر اعظم نے سفارشات پر غور کے لیے 3 فروری کو اجلاس بلانے کا فیصلہ کیا ہے۔
ورکنگ پیپر میں پہلی بار گھر خریدنے والوں کو ٹیکس میں مکمل چھوٹ دینے اور پراپرٹی کی خرید و فروخت پر ٹیکس کی شرح کم کرنے کی تجویز بھی دی گئی ہے۔ اس کے علاوہ، فیڈرل ایکسائز ڈیوٹی ختم کرنے، کم آمدن والے افراد کو سبسڈی دینے اور گھروں کی تعمیر کے لیے قرضوں کی فراہمی پر بھی غور کیا جائے گا