اسلام آباد : حکومت نے پٹرول اور ہائی سپیڈ ڈیزل کی قیمتوں میں اضافہ کر دیا ہے۔ وزارت خزانہ کے جاری کردہ نوٹیفکیشن کے مطابق، پٹرول کی قیمت میں ایک روپے کا اضافہ کر کے اسے 257 روپے 13 پیسے فی لیٹر کر دیا گیا ہے، جبکہ ہائی سپیڈ ڈیزل کی قیمت میں سات روپے کا اضافہ کر کے 267 روپے 95 پیسے فی لیٹر کر دی گئی ہے۔
یاد رہے کہ 15 جنوری کو بھی پٹرول کی قیمت میں 3 روپے 47 پیسے اور ڈیزل کی قیمت میں 2 روپے 61 پیسے کا اضافہ کیا گیا تھا۔ نئے اضافے کے بعد عوام پر مزید مالی بوجھ پڑے گا، جس سے ٹرانسپورٹ اور اشیاء کی قیمتوں میں بھی ممکنہ اضافہ ہو سکتا ہے۔
